أعرفي "شكل" وجهك و بعدها أبرزي جمالك و تفنني في الماكياج

قطرات مطر · 09-24-2011, 04:46 PM

أعرفي "شكل" وجهك و بعدها أبرزي جمالك و تفنني في الماكياج

صباحكم & مسائكم فرح ورضآ..

صبايا

اعجبني هالموضوع وحبيت انقله لكم
اكيد رح تستفيدون منه

الكثير منا تنقصه المعرفه في مجال "الماكياج" ..
وهالمجال فن..

فن له معاهد ومدارس لتدريسه..
الماكياج مو اي أحد ممكن يضبطه..
والدليل الحفلات التنكريه الي تحصل في مناسباتنا وحفلاتنا..

وما يحتاج أحط صور لاننا كلنا عارفين..

أنقهر كثير والله يوم اشوف بنات جميلات جدآ والله معطيهم ملح ماله حد..
ويشوهون جمالهم بـ ميك أب فيه جميع الالوان
للمعلوميه اغلب المشاغل الي عندنا الي يشتغلون فيها خبره وممارسه فقط..
يعني قليل الي دارسين ومعهم شهادات..
والدليل تشوفين نفس الميك اب على الجميع ..
ليه هو كل الوجوه نفس الشكل؟؟!
نفس الملامح؟؟
نفس الفستان؟؟

من هنا راح نبدأ ..

كل وحده تعرف شكل وجهها وعلى اساسه تزين مكياجها بنفسها..
نحنا في الصيف ..
والمناسبات بتكثر..

ببدأ بالفكره الاساسيه للموضوع..

(( شكل الوجه ))

What’s the Shape of Your Face

هذي الصوره توضح الاشكال وسبب تسميه كل شكل..

وهي..

"الوجه القلب"
الوجه يكون عريض من جهه الجبين ومنطقه الخدين..ومنطقه الفك صغيره..

"الوجه البيضاوي"

يعتبر هذا الشكل متناظر وهو شكل مثالي..

"الوجه الطويل"

يكون الوجه اطول مما هو عليه وعاده تكون منطقه الدقن بارزه

"الوجه المربع"

الوجه قوي وواسع من منطقه الذقن وتميل الزرايا الى شكل المربع

"الوجه الدائري"

يقترب الجبين وع الخدين والذقن في استداره كامله للوجه

اذا للحين مو عارفه شكل وجهكـ..
افضل طريقه..
وقفي قدام المرايه..واربطي شعرك كله على ورا..
وامسكي اي قلم محدد عندك وارسمي على المرايه حدود وجهكـ
"اتمنى الشرح واضح"
الشكل الي بيطلع او القريب له هو شكل وجهكـ..

بعد ما عرفنا شكل الوجه..
نجي نطبق الاساسيات لكل ماكياج..
بدايهـ مع..
"الاساس"

طبعا ماراح اتكلم عن تنهيئه البشره قبل الكل عارفها

الفاونديشن او كريم الاساس لازم تاخذين لونك الاصلي.. ممكن في حالات خاصه افتح من لونك بدرجه وحده بس..
ابعدي كل البعد عن اللون المختلف بيخليك متصنعه وكانك حاطه في وجهك كيس طحين..

حنا نحاول نبرز الجمال الطبيعي بدون تصنع
وبما ان الصيف جربي الفاونديشن الخفيف الي اساسه مائي يعطي طله طبيعه جدا
وخفيف حتى لو كان لزواج..

حطي شوي منه على يدك وحركيه الغرض من هالخطوه تدفيته عشان يثبت ع البشره على طول

..
فيه طريقه جميله لنحت الوجه,..يعني ابراز ملامحه اكثر ..
وهي باستخدام لونين من الفاونديشن لونك ولون اغمق ..بالعاده تستخدم هذي الطريقه لعمل برونزاج ..وكانك مسويه تان..

اللون الغامق ينحط على حدود الوجه وعلى الخدين لتحديد الملامح..
اللون الفاتح لابراز المنطقه

بعدها طبعا تدمجين الاساس مع بعض حتى تختفي الحدود بينهم..

بعدما انتهينا من الفونديشن ممكن نكتفي ..بدون بودره للتثبيت و ممكن لو كان زواج نثبت ببودره خفيفه جدا..
فيه طريقه جدا حلوه وتعطي المكياج لمعه جميله وتصلح للصيف او السهرات ..
امزجي شوي..شوي جدا من الفازلين مع الاساس على يدك بعدها وزعيه..

"مكياج العين"

من اكبر الاخطاء الي تحصل في المناسبات
الكميات الهائله من ظلال العين..
والله ياما اروح مناسبات واشوف الابداع والتهريج
شدو احمر واخضر واصفر
طبقي الشدو الفضي الؤلؤي او الاوان الترابيه والنحاسيه والالون الباهته
وارسمي العين بالاي لاينر برسمة مارلين مورنو مع الروج الاحمر القاني

>> لو كان فستانك اوفر والوانه مالها حدود
هالستايل يجنن

شوفوا هنا انجلينا

وطبعاً طريقة وضع الاي لاينر او رسم العين بشكل عام بيكون بيد مرتكزه ع طاوله
حتى لاترجفي او تهتز يدك وهذا شي طبيعي ,, نادرا ما تكون اليد خفيفه ورسمها سريع

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 720 * 506 و حجم 61KB.

اما لو طبقتي المكياج الثقيل والالوان الغامقه فابتعدي عن رسم العين المكثف
ارسميهم رسمه خفيفه واعتمدي تحت العين الكحل البني
بخط خفيف جداً
عشان لا يطلع مكياج عيونك مبالغ فيه
ما تكتمل الطله لا بالمسكارا..
خوذي مطوله ومكثفه ..

خلصنا من الاساس والعيون..

نجي لاهم شي!!!!

"البلاشر"

الشغله مو بس توزيع لون ويالله..
لأ

الشغله فن
ولون البلش يحدده المكياج كامل ولون الروج
البلاشر انواع ..

البودره..

ويعطي لوك مثل هذا..

والكريمي..

يعطي لوك مثل هذا..

اذا كانت بشرتك دهنيه استخدمي البودره واذا عاديه او جافه الكريمي افضل

ولا تنسون اننا عرفنا شكل الوجه عشان نطبق عليه الي يناسبنا..

"الوجه الدائري"

وزعي البلشر لفوق وبشكل عريض لتنحيف الوجه..

"الوجه الطويل"

عكس الدائري وزعي البلشر بالعرض لكي نخفف من طوله..

"الوجه البيضاوي"

نجمع فيه الطريقتين بالعرض ثم نرفعه الى فوق..

"الوجه المربع"

يوزع البلشر في منتص الخدين وعلى الجوانب من جهه الفك لتخفيف العرض

صور للتوضيح اكثر..

و

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 639 * 462 و حجم 45KB.

"الروج"

و القلوس

والقلوسات يشتغل سوقها في الصيف لانها تكمل موضوع اللمعه والترطيب
الي نحرص عليه في مكياج الصيف..
نصيحه ..خذي من الماركات المعروفه..وما اقصد الغالي ابدا..
معروف ان كثير من الماركات العالميه الكبيره لها ماركات ماكياج معروفه بعد وبنص السعر..

الشفايف حساسه جدا..فانتبهي لها

اختاري القلوسات الي تناسب طلتك..

وتذكري تقشير شفايفك قبل المناسبه بسكر وفازلين..برفق..
حتى يثبت الروج ويظهر بشكل جميل

مثال بسيط وقريب لا غرب ولا اجانب..
"بثينه الرئيسي" طالعه هنا بشكل مرتب جدا جدا وراقي ومكياجها جدا راقي..
اقول لها قود فور يو..
من جد تميزتي...

ختاما لموضوع

الزبده يعني

لا تكثرين مكياج لانه يسرق نص جمالك..

الطله البسيطه المرتبه الناعمه تلفت الانتباه اكثر..
والموضه الحين ريحتنا كثييير ..

دعواتي لكم بمظهر مشرق وراقي ومرتب..
وبشره جميله مشعه..

ودي وشكري لكم...

الموضوع الأصلي: أعرفي "شكل" وجهك و بعدها أبرزي جمالك و تفنني في الماكياج || الكاتب: قطرات مطر || المصدر: منتديات قناة أجيال

www.ajeal.tv

كلمات البحث

العاب ، اصدقاء اجيال ، فيديو ، مركز تحميل ، قناة اجيال ،اجيال

مـلآئگية آلـنپض||~ · 09-24-2011, 07:17 PM

وااااو تسلمين قطرات وربي اعجبني موضوعك مرررره نايس

والله ياما اروح مناسبات واشوف الابداع والتهريج
شدو احمر واخضر واصفر <<<والله انك صادقه تقولي حاطه علبة ألوان
أوما الكحل الي ارسمه فوق عيني ماراح يضبط أكيد بترتعش يدي وماراح يضبط،.؛:
وبصراحه انا احس اهم شي المسكره والروج،.؛
يعطيك الف عافيه تستأهلي 5 ستارز،.^_^

قطرات مطر · 09-24-2011, 08:05 PM

صحييح ي بعدهم المسكراا أهم شي أحسسه

يعني تعطيي نتايج حلوه و مرتبه و سريعه >> أهم شي هع

منوورة الموضوع غلاتي

لا خلا و لا عدم
ما ننحرمش من هالطله يا رب

حياك الله

غـ حرب ـلآ ~ · 09-24-2011, 09:30 PM

**

ششكرآ لكك أختي "
مره روعه "
في الحقيقه احسن شي تحطين
كحل و قلوس وبلآشر ومسكرآ بس وارتاحي < ما تحط غيرهن "
غلآووي .~

،

ѝӧӧя ȃḹ-ᵭȫᾖӴᾃ · 09-24-2011, 10:47 PM

يعطيكي الله ألف عافية يَ قلبي ع الطرح المتميز

احلى داااشر}... · 09-25-2011, 01:45 AM

مشكووره ع الموضوع الاروع ..والاجمل ..والاحلى ...
والله اني استفدت كثيير..يعطيك العافيه ...
اهه بروح اطبق ع خشتيي ..

دلوعه حدي · 09-25-2011, 11:24 AM

مشكورررررررررة ع الموضوع الحلو مثلك تحياتي

قطرات مطر · 09-25-2011, 02:46 PM

: ) منوورين الموضوع شاكرة لكم مروركم

إن شاء الله تكونون استفدتوا منه

حيّاكم الله منورين

احاسيس بنوتة · 09-26-2011, 06:57 PM

تسسسلمين ياعسسسل والله لايحرمنا منك
ومن وجودكــ ومواضيعكـ

لمووور · 09-27-2011, 01:48 PM

تسلمييين الله لا يحرمنا منك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( أصدقاء أجيال 0 والزوار 1)